- Advertisement -

SA skammast við sitt fólk

Einstakir atvinnurekendur mega ekki skjóta sér undan samningnum.

Í bréfi forystu Samtaka atvinnulífsins til félagsmanna er skammast við það fólk sem ekki hækkaði laun starfsmanna samkvæmt nýgerðum samningum.

„Lífskjarasamningurinn felur í sér sérstaka áherslu á kjarabætur til tekjulágs launafólks og því mikilvægt að umsamdar launabreytingar skili sér óskertar í launaumslagið. Örfá dæmi eru um að launagreiðslur umfram lágmarkskjör kjarasamninga hafi verið skertar með beinni vísan til Lífskjarasamningsins. Það er mjög óheppileg tilvísun enda gengið út frá því að launaliðir samningsins kæmu óbreyttir til framkvæmda frá gildistöku samkvæmt efni þeirra, eins og ávallt gerist við gerð kjarasamninga.“

Og þetta: „Samtök atvinnulífsins ganga út frá því að farið sé að lögum og kjarasamningum við breytingar á starfskjörum og brýna það fyrir félagsmönnum sínum og leiðbeina. Kjósi atvinnurekandi að breyta greiðslum umfram lágmarkskjör kjarasamninga, eða lækka starfshlutfall, til að koma í veg fyrir uppsagnir skulu öll réttindi starfsmanna að sjálfsögðu virt.“

Þú gætir haft áhuga á þessum

Efling fagnar:

„Samtök atvinnulífsins hafa sent bréf til félagsmanna sinna þar sem fallist er á sjónarmið Eflingar um markmið nýundirritaðra kjarasamninga, og mikilvægi þess að „umsamdar launabreytingar skili sér óskertar í launaumslagið“, eins og segir í bréfinu. Þetta var áréttað af Eflingu – stéttarfélagi í kjölfar þess að Árni Valur Sólonsson, hótelstjóri, sagði upp launakjörum starfsfólks síns. Hann hafði áformað að lækka laun þeirra til móts við hækkun taxta. Lögfræðileg álitamál því tengd eru nú til skoðunar hjá lögmanni stéttarfélagsins.

„Við fögnum því auðvitað að Samtök atvinnulífsins láti félagsmenn sína vita af þessu, enda var þetta nákvæmlega það lagalega og siðferðilega sjónarmið sem við höfum haldið fram frá því málið kom upp,“ segir Sólveig Anna Jónsdóttir, formaður Eflingar. „Til þess að svokallaður friður á vinnumarkaði sé yfirleitt í boði á Íslandi þá verða nákvæmlega þessi atriði að vera í lagi. Einstakir atvinnurekendur mega ekki skjóta sér undan samningnum, og heildarsamtök þeirra verða að bregðast við þegar þeir reyna það.“


Booking.com

Auglýsing

Tengdar fréttir sem þú gætir haft áhuga á að lesa: