„Hver er afstaða forsætisráðherra til þess að þingmaður taki einhliða ákvörðun um að hafa áhrif á framkvæmd réttmætrar stjórnvaldsákvörðunar?“
Guðrún Hafsteinsdóttir.
„Það stóð til að flytja á brott einstakling sem stendur til að veita ríkisborgararétt. Við getum alveg haft skoðanir á veitingu ríkisborgararéttar, hvort Alþingi eigi yfir höfuð að veita ríkisborgararétt. Þessi skoðun er ný, finnst mér, frá háttvirtum þingmanni Guðrúnu Hafsteinsdóttur, að hér eigi aldrei, nær aldrei, að veita nokkrum manni ríkisborgararétt í gegnum Alþingi.
Hún sat hér í ríkisstjórn í langan tíma og Sjálfstæðisflokkurinn hefur setið í ríkisstjórn meiri hluta lýðveldistímans sem þessi lög hafa verið til staðar. Tökum þá umræðuna um það ef fólk vill ekki að Alþingi veiti ríkisborgararétt. En í þessu tilviki er þetta upplýsingagjöf. Ég átta mig ekki á því hvernig þetta getur verið gagnaleki. Þetta er ekki krafa. Þetta er ekki beiðni. Þetta er ekki valdbeiting. Útlendingastofnun og ríkislögreglustjóri geta gert við þessar upplýsingar það sem þau vilja gera. Í þessu tilviki gef ég mér það, því að ég veit ekki meira um málið en háttvirtur þingmaður, að þeim hafi þótt óskynsamlegt að fara í þessa brottvísun vitandi að þetta stæði til,“ sagði Kristrún Frostadóttir forsætisráðherra.
Áður hafðu formaður Sjálfstæðisflokksins, Guðrún Hafsteinsdóttir, sagt:
„Hér eru mjög stór orð látin falla um ólögmætan gagnaleka.“
„Við höfum fengið staðfest, bæði í gögnum og opinberum viðtölum, að formaður allsherjar- og menntamálanefndar Alþingis, háttvirtur þingmaður Víðir Reynisson, hafi lekið trúnaðarupplýsingum um meðferð máls hjá allsherjar- og menntamálanefnd til Útlendingastofnunar með það að markmiði að hafa áhrif á ákvörðun stofnunarinnar í máli einstaklings sem fengið hafði synjun á umsókn sinni um vernd á tveimur stjórnsýslustigum. Þetta gerði hann án samráðs við nefndina og án þess að fyrir lægi samþykkt Alþingis um veitingu ríkisborgararéttar. Með öðrum orðum fannst háttvirtum þingmanni að lögin ættu ekki að gilda um þennan einstakling og hafði því pólitísk og ólögmæt afskipti af málinu svo að niðurstaðan yrði honum þóknanleg. Viðbrögð Útlendingastofnunar voru að stöðva framkvæmdina eingöngu fyrir þennan tiltekna einstakling sem var formanni nefndarinnar þóknanlegur en ekki aðra umsækjenda um ríkisborgararétt sem til stendur að vísa úr landi. Það er eðlilegt að spurt sé hver ræður hér för. Kerfið sem við höfum byggt upp áratugum saman byggist á lögum og sjálfstæði stjórnvalda. Þegar einstakir þingmenn í meiri hluta ríkisstjórnarinnar telja sér heimilt að grípa fram fyrir hendur kerfisins í krafti stöðu sinnar þá er það ekki aðeins óboðlegt heldur grefur það undan trausti á kerfinu, jafnræði umsækjenda og lögmæti ákvarðana.
„Þetta er hin almenna skynsemi í málinu.“
Kristrún svaraði: „Hér eru mjög stór orð látin falla um ólögmætan gagnaleka. Um hvað snýst þetta mál í grunninn? Háttvirtur þingmaður Víðir Reynisson er ekki að krefjast, er ekki að biðja um nokkurn skapaðan hlut, hann er að upplýsa um stöðu sem upp er komin. Útlendingastofnun og ríkislögreglustjóri geta gert við þær upplýsingar það sem þær stofnanir vilja gera við þær upplýsingar. Engir eftirmálar yrðu af því. Það er sjálfstæð ákvörðun þessara stofnana að bregðast við þegar þær átta sig á því að mögulega standi til að flytja af landi brott barn sem annars væri mjög líklega að fá, eftir samþykkt Alþingis sem stendur auðvitað upp á okkur hér inni að framkvæma, ríkisborgararétt og þurfa svo síðar að horfa upp á það að viðkomandi barn kæmi aftur til landsins. Þetta er hin almenna skynsemi í málinu.“
