- Advertisement -

Segir Viðreisn fara að vilja „kostenda“

„Örvænt­ing­ar­full póli­tísk fram­ganga litlu Sam­fylk­ing­ar­inn­ar held­ur áfram að vekja at­hygli.“

Gunnar Bragi Sveinsson heggur fast að Viðreisn í grein í Mogganum í dag. Hann segir:

„Viðreisn er gott dæmi um flokk sem sinn­ir stefnu­laust sér­hags­mun­um kost­enda flokks­ins, elt­ir tíðarand­ann og þá sem eru virk­ir í at­huga­semd­um, líkt og móður­skipið Sam­fylk­ing­in.“ Gunnar Bragi uppnefnir Viðreisn og kallar hana; „litlu Samfylkinguna.“

Gunnar Bragi sem er varaformaður og þingflokksformaður Miðflokksins segir einnig:

Þú gætir haft áhuga á þessum

„Hugs­an­lega er það svo að í huga Viðreisn­ar eru sér­fræðing­ar ekki sér­fræðing­ar nema þeir starfi inn­an Evr­ópu­sam­bands­ins eða séu á snær­um Fé­lags at­vinnu­rek­enda. Spá fræðimanna um að sýkla­lyfja­ónæmi eitt og sér verði stærri vald­ur að dauða en krabba­mein eft­ir um þrjá­tíu ár virðist alltént ekki ná þeirra at­hygli. Það mætti segja að hægt hefði verið að sjá þetta fyr­ir. Af full­kom­inni hræsni af­hentu skamm­líf­ir ráðherr­ar flokks­ins í embætt­um lýðheilsu­verðlaun og héldu ræður með inn­an­tóm­um orðum sem var fórnað um leið og færi gafst fyr­ir for­send­ur hinna ýtr­ustu viðskipta­hags­muna Fé­lags at­vinnu­rek­enda.“

GBS: „Örvænt­ing­ar­full póli­tísk fram­ganga litlu Sam­fylk­ing­ar­inn­ar held­ur áfram að vekja at­hygli. Nú síðast þegar þau tala ít­rekað gegn sjón­ar­miðum sér­fræðinga í þágu sér­hags­muna inn­flutn­ingsaðila. For­svars­menn flokks­ins ve­fengja þannig sjón­ar­mið heil­brigðis- og lýðheils­u­sér­fræðinga í æ fleiri mál­um.“

Hér er ein tilvitnun enn í grein Gunnars Braga:

„Þetta hef­ur verið sér­stak­lega áber­andi þegar kem­ur að varnaðarorðum gegn auk­inni áfeng­isneyslu sem fylg­ir svo­kölluðu brenni­víns­frum­varpi þeirra og þeirri stóru lýðheilsu­vá sem fylg­ir auknu sýkla­lyfja­ónæmi með óheft­um inn­flutn­ingi á fersk­um mat­væl­um. Þá hef­ur orðræða þeirra varðandi ný­leg­ar til­lög­ur um aðgerðaáætl­un gegn syk­ur­neyslu Íslend­inga verið und­ar­leg. Fjór­tán til­lög­ur Embætt­is land­lækn­is hafa fengið fall­ein­kunn flokks­ins þrátt fyr­ir að sum­ar þeirra væru til þess falln­ar að stuðla að auk­inni lýðheilsu. Til­lög­ur svo sem að upp­lýsa neyt­end­ur bet­ur, þótt ekki sjái und­ir­ritaður ástæðu til að fara eft­ir til­lög­um eins og að hækka skatta um­fram það sem nú nú er.“


Booking.com

Tengdar fréttir sem þú gætir haft áhuga á að lesa: