- Advertisement -

Sjálfstæðisflokkur hafnar Félagsbústöðum

SMM: Húsnæði er ein grunnforsenda velferðar og nauðsynlegt að allir hafi alltaf aðgengi að öruggu húsnæði.

„Félagsbústaðir eru reknir í sérstöku félagi með það fyrir augum að tryggja sjálfbæran rekstur. Hér er hins vegar óskað eftir því að borgarsjóður gangist í ábyrgðir fyrir skuldsetningu félagsins. Borgarfulltrúar Sjálfstæðisflokks leggjast gegn þeirri ráðstöfun. Nú þegar er Reykjavíkurborg í ábyrgðum fyrir um 100 milljarða kr. skuldum B-hluta fyrirtækja. Þessar ábyrgðir koma til viðbótar gríðarlegri skuldsetningu borgarsjóðs,“ segir í bókun borgarfulltrúa Sjálfstæðisflokksins í borgarstjórn.

Til stendur að borgin ábyrgist stóra lántöku Félagsbústaða.

„Félagsbústaðir sinna mikilvægri þjónustu og hafa skilað góðum rekstri. Með ábyrgð borgarsjóðs á skuldabréfaútgáfu félagsins er verið að lækka vaxtakostnað Félagsbústaða og þar með lækka rekstrarkostnað og minnka þörf á hækkun leiguverðs. Það sýnir bæði skilningsleysi á góðum rekstri og lítinn samhug með rekstri félagsins og aðstæðum leigjenda Félagsbústaða að minnihlutinn aðrir en Sósíalistaflokkurinn leggist gegn ábyrgðinni,“ segir meirihlutinn.

Þú gætir haft áhuga á þessum

Sanna Magdalena Mörtudóttir segir meðal annars: „Það þarf að tryggja að nægilegt húsnæði sé alltaf til staðar og með þeim stuðningi sem fólk þarf á að halda. Húsnæði er ein grunnforsenda velferðar og nauðsynlegt að allir hafi alltaf aðgengi að öruggu húsnæði.“


Booking.com

Tengdar fréttir sem þú gætir haft áhuga á að lesa: