- Advertisement -

Sjálfstæðisflokkurinn má ekki koma nálægt stjórnun landsins

Og ekki aðrir flokkar sem hafa innanborðs spillta menn sem gera sig að fífli við hin ýmsu tækifæri og eru þjóðinni til skammar.


Katrín Baldursdóttir skrifar:

Hvers vegna í ósköpunum er ekki hægt að hafa samgöngur í lagi á Vestfjörðum og leyfa Íslendingum og útlendingum að njóta þeirra gríðarlegu náttúrufegurðar sem þar er. Stjórnvöld geta gefið auðkýfingum fiskveiðiauðlindina okkar, rosalegar fjárhæðir á hverju ári en eru alveg blönk þegar á að byggja vegi til að halda landinu í byggð. Það er eitthvað gróðafyrirtæki sem segist ætla laga einhverja nokkra vegi þarna ef það fær að framkvæma einhver hræðilegustu eyðileggingu, Hvalárvirkjun, sem gerð hefur verið á íslenskri náttúru í langan tíma. 

Þú gætir haft áhuga á þessum

Og það er ekkert fast í hendi með vegina hjá þessu gróðafyrirtæki og þeim aðilum sem ætla að græða feitt með því að skemma þessi verðmætu víðerni sem eru á svæðinu. Þessi víðerni eru framtíðin, þau munu færa okkur svo miklu miklu meiri ávinning á öllum sviðum, en eitthvað forljótt mannvirki sem eyðileggur náttúruna, fossa og vötn. Og eins og Landvernd hefur bent á þá er hægt að laga vandamálið með rafmagnið á svæðinu með því að grafa línur í jörð.

En að sjálfsögðu er ekki til peningur fyrir því vegna þess stjórnvöld gefa auðkýfingum arðinn af auðlindunum okkar. Svo á líka að gefa gróðrapungum færi á að eyðileggja landið. Þetta er allt svona. Ömurlegt. Löngu kominn tími til að skipta út spillingaröflunum á þingi og í ríkisstjórn sem eru á spenanum hjá auðkýfingunum og gefa skít í hagsmuni venjulegs fólks. Sjálfstæðisflokkurinn má ekki koma nálægt stjórnun landsins í komandi framtíð. Og ekki aðrir flokkar sem hafa innanborðs spillta menn sem gera sig að fífli við hin ýmsu tækifæri og eru þjóðinni til skammar.


Booking.com

Tengdar fréttir sem þú gætir haft áhuga á að lesa: