Taka fyrsta skrefið í að einkavæða vegakerfið og afhenda vildarvinum.
Úlfar Hauksson skrifar:
„Vegferð VG í þessu ríkisstjórnarsamstarfi verður æ snautlegri. Algjörlega sturlað að samþykkja þessa fullkomlega óútfærðu áætlun sem gengur þó fyrst og fremst út á að skattleggja almenning um tugi milljarða. Skatt sem mun koma verst niður á þeim sem minna hafa á milli handanna. Vegaskatt sem er í öllu ósambærilegur slíkri gjaldheimtu sem innheimt er í öðrum löndum og byggir á allt öðrum og í raun óljósum og ósambærilegum forsendum.
Þar að auki er borðleggjandi – ef af verður – að almenn framlög til vegamála verða skorin all snarlega niður. Hér er því verið að taka fyrsta skrefið í að einkavæða vegakerfið og afhenda vildarvinum sem munu fá áskrift að fé almennings sem milliliðir í innheimtu. Það verða einhverjir vinir aðals feitir.. enn feitari af þessum bita í boði VG sem styður þessa frjálshyggju í blindni.