Átökin í XD: Stökk­breyt­tur þing­flokkur

„Það eru sem sagt ýms­ar leiðir sem ís­lensk stjórn­völd hafa kosið sem áfanga í und­an­haldi sínu. Sú síðasta er sú er hef­ur nú valdið stökk­breyt­ingu inn­an þing­flokks Sjálf­stæðis­flokks­ins,“ segir í leiðara Morgunblaðsins í dag.

Leiðarinn undirstrikar, enn og aftur, hversu langur og grýttur vegur er milli flokksmanna í Sjálfstæðisflokki. Eflaust er Davíð Oddsson höfundur leiðarans. Hann styðst mest við grein sem vopnabróðir hans, Tómas Ingi Olrich, skrifaði. Þeir ætla sýnilega ekki að gefa sinn hlut í baráttunni um orkupakkann, eða öllu heldur í baráttunni um Sjálfstæðisflokkinn.

„Stökk­breyt­ing hef­ur orðið á þing­flokki Sjálf­stæðis­flokks­ins. Hún virðist hafa orðið í kjöl­far þess að skýrsla þeirra lög­fræðing­anna, Stef­áns Más Stef­áns­son­ar og Friðriks Árna Friðriks­son­ar Hirst, var lögð fram,“ segir í leiðaranum.

Ósætti þeirra eldri nær talsvert aftur í tímann.

„Þannig hafa nú all­ir leyfi til að fjár­festa í ís­lensk­um bújörðum og sanka að sér nátt­úru­leg­um auðlind­um í krafti þeirra rétt­inda. Girðing­ar, sem sett­ar voru 1995, voru tekn­ar niður þegar at­huga­semd­ir og hót­an­ir um kær­ur bár­ust um og eft­ir alda­mót­in síðustu. Með sam­bæri­leg­um hætti hafa varn­ir ís­lensks land­búnaðar hrunið.“

Og: „Það eru sem sagt ýms­ar leiðir sem ís­lensk stjórn­völd hafa kosið sem áfanga í und­an­haldi sínu. Sú síðasta er sú er hef­ur nú valdið stökk­breyt­ingu inn­an þing­flokks Sjálf­stæðis­flokks­ins.“

Enn virðist ekki gerð minnsta tilraun til að ná tali a Bjarna Benediktssyni, formanni Sjálfstæðisflokksins. Flokkur er í knýjandi vanda en látið er sem Bjarni sé ekki til.