- Advertisement -

Sundruð ríkisstjórn?


Hver var að semja við Miðflokkinn? Hvaða samningur var það sem fulltrúar ríkisstjórnar gengu með til SDG?

Helga Vala skrifar eftirfarandi:

Varúð stöðufærsla um stöðu stjórnmála á Íslandi:

Það hefur verið áhugavert að fylgjast með fjölmiðlum undanfarinn sólarhring. Í gær biðum við allan daginn eftir því að Miðflokkurinn (lesist SDG) semdi við ríkisstjórnina um þinglokin. Þá er verið að semja um afdrif þingmála, svo því sé haldið til haga, ekki hvort eða hvenær þingfólk fer í sumarfrí, því eftir síðasta þingfund er fjölmargt ógert.

Eltingaleikur um þinghúsið og allskonar sérstakar uppákomur. Svo bárust þau tíðindi niður í þingflokksherberi að loksins hefðu náðst samningar.

Stjórnarandstaðan (fyrir utan SDG) samdi við ríkisstjórn um þinglok upp úr hádegi í gær og svo var beðið. Eltingaleikur um þinghúsið og allskonar sérstakar uppákomur. Svo bárust þau tíðindi niður í þingflokksherbergi að loksins hefðu náðst samningar. Ekki laust við að fólk andaði léttar þar sem þingmenn höfðu beðið allan daginn eftir atkvæðagreiðslu sem átti eftir að fara fram. Skyndilega er bankað á dyr þingflokksherbergis, hvar við sátum að fara yfir væntanlega atkvæðagreiðslu. “Allir heim” Sjálfstæðisflokkur féllst ekki á samkomulagið!

Jæja… var þá sem sagt ríkisstjórnin að semja við Miðflokkinn án þess að vera öll við borðið? Hver var að semja við Miðflokkinn? Hvaða samningur var það sem fulltrúar ríkisstjórnar gengu með til SDG? Var það bara samningur VG og Framsóknar við SDG?

Í dag höfum við svo fengið að heyra bæði Katrínu Jakobsdóttur forsætisráðherra sem og varaþingflokksformann VG segja í fjölmiðlum að það hafi ekki verið Sjálfstæðisflokkurinn sem sleit því VG hafi ekki verið búinn að skrifa undir samkomulagið? Hvað var þá eiginlega í gangi í allan heila gærdag? Var þetta samkomulagstilraun Framsóknarflokks við Miðflokks en þá átti eftir að fá Sjálfstæðisflokk og Vinstri græn að borðinu? Er þetta merki um samstæða ríkisstjórn? Er ekki spurning um að spyrja forseta Alþingis, sem í kvöldfréttum nefndi ósamstæða stjórnarandstöðu, hvort ekki væri betra að vera með samstíga ríkisstjórn við samningaborðið í þinglokum?

Skrifin birtust á Facebooksíðu Helgu Völu.


Booking.com

Tengdar fréttir sem þú gætir haft áhuga á að lesa: