- Advertisement -

Þorteinn undirbýr hópmálsókn gegn Svandísi

Þorsteinn Sæmundsson benti á eigin Facebookarsíðu þar sem hópmálssókn er undirbúin.

„Sjúklingur á rétt á fullkomnustu heilbrigðisþjónustu sem á hverjum tíma er völ á að veita. Sjúklingur á rétt á þjónustu sem miðast við ástand hans og horfur á hverjum tíma og bestu þekkingu sem völ er á.“

Þessa lagagrein um réttindi sjúklinga fór Þorsteinn Sæmundsson með á Alþingi í morgun. Og sagði svo:

Þú gætir haft áhuga á þessum
Ljósmynd: Piron Guillaume.

„Þessi ákvæði sjúklingalaga eru brotin á Íslandi á hverjum degi. Það hlýtur að enda með því að einhverjir þeirra 1.000 sem bíða eftir liðskiptaaðgerð fari í mál við heilbrigðisráðherra fyrir að brjóta sjúklingalög. Ég bendi þess vegna á fésbókarsíðu sem sett hefur verið upp af því tilefni sem heitir Beðið eftir aðgerð. Þar geta menn safnast saman og farið í hópmálssókn gegn heilbrigðisráðherra, eins og vera ber.“

Þorsteinn er sjálfur upphafsmaður Facebooksíðunnar.

Áður í ræðu sinni sagði Þorsteinn:

„Í síðustu viku var lögð fram greinargerð um biðlista í heilbrigðiskerfinu og um leið kom fram að um 1.000 manns að meðaltali hafa nú alllengi beðið eftir liðskiptaaðgerðum hér á landi. Það kom líka fram í síðustu viku að Sjúkratryggingar Íslands hafa sagt upp samningi við einkastofur sem gert hafa augasteinaaðgerðir með mjög góðum árangri og stytt biðlista verulega. Það kom líka fram yfirlýsing frá Sjúkratryggingum, sem kom fram í ræðu áðan, um stóraukinn kostnað af liðskiptaaðgerðum erlendis. Það sem var sameiginlegt með öllum þeim fréttum var að það virtist koma öllum viðkomandi á óvart hvernig ástandið er. Þar kom heilbrigðisráðherra í opna skjöldu að það skyldu vera 1.000 manns á biðlista. Það er búið að vera viðvarandi í alla vega 24–30 mánuði. Það kom forstjóra Sjúkratrygginga mjög á óvart að það skyldi kosta peninga að senda fólk til útlanda í aðgerðir. Þetta bendir ekki til þess að menn séu í tengslum við það sem þeir eru að fást við.“


Booking.com

Tengdar fréttir sem þú gætir haft áhuga á að lesa: