- Advertisement -

Var stigið á tær dómsmálaráðherra?

Ótrúleg aum viðbrögð Áslaugar Örnu Sigurbjörnsdóttur dómsmálaráðherra í afleiddri stöðu lögreglunnar, og einkum ríkislögreglustjóra, hafa komið á óvart. Erfitt er að trúa að hennar vilji sé sú leið sem hún hefur kynnt. Vissulega er Haraldur Johannesson innmúraður og innvígður í flokkinn. En fyrr má nú vera.

Helga Vala Helgadóttir Samfylkingu skrifaði fyrr í dag:

„Nú liggur það fyrir að dómsmálaráðherra hefur skipað nefnd sem ætlar að fara yfir stöðu lögreglu á næstu vikum. Á meðan logar allt kerfið stafnanna á milli vegna vantrausts allra lögreglustjóra landsins (utan eins sem þó hefur ekki lýst yfir trausti) og landssambands lögreglumanna í garð ríkislögreglustjóra. Dómsmálaráðherra hefur þetta um málið að segja:

„Ég átti fund með ríkislögreglustjóra í morgun. Ég bind vonir við að það samtal muni halda áfram.“ Og svo þetta:

Þú gætir haft áhuga á þessum
Helga Vala Helgadóttir.

„Hagsmunir lögreglunnar verða alltaf teknir fram fyrir. Ég vona að niðurstaðan í þessari vinnu muni leiða það af sér að við getum gert skipulagsbreytingar sem eru bæði góðar fyrir borgarana og ekki síst fyrir lögregluna.“

Þið verðið að fyrirgefa en þessi orð auka ekki tiltrú mína á það að dómsmálaráðherra sýni að hennar sé valdið. Sá sem virðist vera valdur að hinni fullkomnu upplausn á að hennar mati ekki að stíga til hliðar, hvorki tímabundið á meðan vinnan á sér stað inni í ráðuneyti, né varanlega. Hins vegar ætlar dómsmálaráðherra að fara í einhverjar „skipulagsbreytingar“ á næstu vikum og vonast til að fá aftur fund með ríkislögreglustjóra. Allt í lagi… þetta er allt mjög eðlilegt…“


Booking.com

Tengdar fréttir sem þú gætir haft áhuga á að lesa: