- Advertisement -

Varðhundur auðstéttarinnar

Verður áfram níðst á öldruðum og öryrkjum.

Björgvin Guðmundsson skrifar:

Eldri borgari kom að máli við mig og spurði hvort lífeyrir aldraðra mundi hækka til samræmis við launahækkanir, ef þær næðu fram að ganga í verkföllunum. Ég svaraði því til, að engu væri að treysta í því efni og benti á hvernig stjórnvöld (undir forustu BB) hefðu hagað sér í þessu efni árið 2015, þegar síðast voru miklar almennar launahækkanir.

Lágmarkslaun hækkuðu 14. maí 2015 um 14,5% en lífeyrir hækkaði ekkert í kjölfarið. Lífeyrir hækkaði um 3% í janúar 2015 en síðan hækkaði lífeyrir ekkert aftur fyrr en 12 mánuðum síðar. Og loks þegar lífeyrir hækkaði 12 mánuðum seinna hækkaði lífeyrir miklu minna en lágmarkslaun höfðu hækkað um.

Varðhundur auðstéttarinnar (BB) sá um það. Í verðlaunaskyni við þau störf var varðhundurinn leiddur til valda af KJ og Sig. Inga eftir síðustu þingkosningar enda þótt stjórn hans hefði hrökklast frá vegna spillingarmála.

Með reynsluna frá 2015 í huga þarf ekki að reikna með neinum hækkunum lífeyris í kjölfar launahækkana fyrr en í fyrsta lagi eftir næstu áramót. Reynslan hefur leitt í ljós, að varðhundar auðstéttarinnar níðast alltaf á kjörum aldraðra og öryrkja! Þeir fara ekkert eftir ákvæðum laga um að lífeyrir eigi að hækka í samræmi við launaþróun!


Booking.com

Tengdar fréttir sem þú gætir haft áhuga á að lesa: