Fyrir langreyði er það 50.000 krónur á hval.
Árni Gunnarsson skrifar:
Nú hefur sjávarútvegsráðherra ákveðið að heimila veiði á umtalsverðum fjölda hvala. Fyrir ákvörðun hans virðast liggja vísindaleg rök. Ég spurðist fyrir um veiðigjöld af hvalveiðum.
Fyrir langreyði er það 50.000 krónur á hval. Hver hvalur vegur frá 40 og upp í 70 tonn og má því ætla, að góðar tekjur fáist fyrir afurðir af hverjum hval. Væri ekki í lagi að fara með veiðigjaldið í 100.000 kallinn? Fyrir hrefnu er veiðigjaldið 8.000 krónur. Arðurinn af rekstri Hvals hf. er mikill, enda félagið með einskonar einkaleyfi á hvalveiðum.