Sigurjón Magnús skrifar:
Þetta var annar „glæpurinn“ sem þáttastjórnandi fann til að gera Guðrúnu erfitt fyrir. Mér fannst að ekki hafi verið hlustað á það sem Guðrúnu hafði fram að færa.
Horfði og hlustaði á sæmilegan hluta viðtals Stefáns Einars Stefánssonar á Moggasjónvarpinu við þær Áslaugu Örnu og Guðrúnu Hafsteins. Sitt í hvoru lagi. Á þeim tíma sem ég hlustaði bar langhæst þegar Stefán Einar bar á Guðrúnu að hún væri handbendi Helga Magnússonar.
Helga sem er bakhjarl Viðreisnar, eða var hið minnsta kosti. Það þekki ég á eigin skinni. Nóg um það. Stefán Einar bar á Guðrúnu að hún gengi veg Helga og Ólafs Arnarsonar á dv.is. Ég opnaði dv.is og fann ekkert sem bendir til að svo sé. Leitaði kannski ekki nóg.
Stefán Einar leitaði í fortíðinni. Og fann að þegar Guðrún var kjörin formaður Samtaka iðnaðarins og tók við formennskunni af Helga Magg. Þá vildu samtökin að sótt yrði um aðild að ESB. Guðrún sagði þá í sjónvarpsviðtali að fyrir lagi loforð um að kosið yrði um aðildarviðræður.
Þetta var annar „glæpurinn“ sem þáttastjórnandi fann til að gera Guðrúnu erfitt fyrir. Mér fannst að ekki hafi verið hlustað á það sem Guðrúnu hafði fram að færa. Málalokin virtust hafa verið ákveðin áður en yfirheyrslan hófst. Eitt er víst að Helgi Magg er ekki í framboði til formanns í Sjálfstæðisflokki.
Hvað Áslaugu Örnu varðar var hún spurð um tengsl við Moggann þar sem faðir hennar er formaður. Hún sagðist vera í framboði á eigin vegum. Það var talið rétt og gilt svar.
