Borgarstjóri vill fella trén en dregur lappirnar og telur að felling trjánna þurfi i eitthvað skipulagsferli og leyfi þurfi áður en útivistarsvæðinu er breytt.
Hilmar Þór Björnsson.
„Bréfum sem ISAVIA sendir til borgarinnar og varða öryggi Reykjavíkurflugvallar er ekki svarað. Þau hverfa bara og er ekki að finna i fundargerðum og virðast ekki á rædd á fundum þar, sagði yfirmaður innanlandsflugs ISAVIA á fundi síðdegis um öryggismál Reykjavíkurflugvallar,“ skrifar Hilmar Þór Björnsson arkitekt.
„Eyjólfur Ármannsson flugmálaráðherra og fyrrverandi lögfræðingur Skipulagsstofnunar lét að því liggja, ef ég skildi hann rétt, að hugsanlega ætti að taka skipulagsvaldið af borginni vegna þessa máls og fleiri mála sem varða öryggi flugvallarins? Flugvöllurinn væri mikilvægur innviður sem varðar alla þjóðina en borgin hunsar alla umræðu um sjálfsögð öryggismál og svarar ekki erindum ISAVIA,“ segir í skrifum Hilmars Þórs.
Austur/vestur brautinni verður lokað á laugardaginn vegna of hárra trjáa við austurenda brautarinnar þó krafa ISAVIA og samgöngustofu um lækkun trjánna hafi legið fyrir i tæp tvö ár. Borgarstjóri vill fella trén en dregur lappirnar og telur að felling trjánna þurfi i eitthvað skipulagsferli og leyfi þurfi áður en útivistarsvæðinu er breytt.
Ég minni á að þegar Árbæjarstíflan var tæmd og mikilvægu útivistarsvæði var breytt mikið til hins verra þurfti að mati borgarstjórnar ekkert skipulagsferli og engin sérstök leyfi.
Ég held að það sé góð hugmynd hjá ráðherranum að hugleiða alvarlega hvort ekki sé kominn tími til að svifta borginni skipulagsvaldi yfir flugvellinum i Vatnsmýrinni,“ segir að lokum í Facebookskrifium Hilmars Þórs Björnssonar.
