„Siðareglur eru pólitísk og fjölmiðlaleg svipa á kjörna fulltrúa eins og dæmin sanna.“
„Kjörnir fulltrúar sækja umboð sitt til kjósenda á fjögurra ára fresti, og ekki til neinna annarra. Þeir eru algjörlega sjálfstæðir í störfum sínum og lúta einungis reglum sem þeir setja sér sjálfir,“ bókaði Vigdís Hauksdóttir á síðasta fundi borgarstjórnar þegar fjallað var um siðareglur borgarfulltrúa.
„Siðareglur eru pólitísk og fjölmiðlaleg svipa á kjörna fulltrúa eins og dæmin sanna,“ sagði hún.
Embættismenn Reykjavíkurborgar eru Vigdísi ofarlega í huga. „Vakin er athygli á því að siðareglur fyrir embættismenn Reykjavíkur eru ekki í samfloti með siðareglum kjörinna fulltrúa eins og minnihlutinn hefur ítrekað óskað eftir og meirihlutinn ítrekað lofað.“
Vigdís nýtti tækifærið til að varpa ljósi á skoðun sína á siðareglum, nú og áður.
„Borgarfulltrúi Miðflokksins hefur barist á móti setningu þeirra bæði hjá borg og ríki.“
„Borgarfulltrúi Miðflokksins hefur barist á móti setningu þeirra bæði hjá borg og ríki. Kjósendur einir meta það hvort kjörinn fulltrúi hefur gengið of langt í óskráðum siðareglum. Lagaumgjörð er um störf kjörinna fulltrúa eina og annarra, bæði refsilöggjöf og meiðyrðalöggjöf, sem hægt er að beita brjóti kjörinn fulltrúi lög í störfum sínum. Segja má sem dæmi að borgarstjóri hafi brotið allar greinar þeirra siðareglna sem á að samþykkja nú í braggamálinu, hvað þá þegar litið er til siðareglanna sem eru að falla úr gildi, án þess að bera ábyrgð. Því er spurt, eru siðareglur borgarstjórnar bara fyrir suma?
