- Advertisement -

Vill stöðva fjárveitingar til Mannréttindaskrifstofu

Kannski ætti Heimdallur að breyta nafni sínu í umhverfis-og mannréttindafélagið Heimdallur.

Brynjar Níelsson skrifaði:

Þekkt er að fólk stofni frjáls félög um sín pólitísku áhugamál og ekkert við það að athuga. Eitt slíkt félag er Mannréttindaskrifstofa Íslands, hvorki meira né minna. Er samt alltaf jafnhissa á því hvað stjórnmálamönnum finnst eðlilegt að fjármagna starfsemi slíkra félaga úr hendi skattgreiðenda. Virðist duga til að fá milljónir og tugi milljóna á ári úr ríkissjóði ef pólitískur félagsskapur kennir við umhverfi eða mannréttindi. Kannski ætti Heimdallur að breyta nafni sínu í umhverfis-og mannréttindafélagið Heimdallur.

Félagskapur sem telur rétt að engin viðurlög eigi að vera við vanrækslu foreldris gegn barni, sem felst í því að tálma umgengni við hitt foreldrið með ólögmætum hætti, getur ekki kennt sig við mannréttindi. Hættum að dæla fé úr ríkissjóði til slíkra félaga og styðjum betur við bakið á frjálsum félögum sem sinna nauðsynlegri samfélagsþjónustu, sem ríkið þyrfti ella að gera með meiri tilkostnaði.

Þú gætir haft áhuga á þessum

Booking.com

Tengdar fréttir sem þú gætir haft áhuga á að lesa: