BHMR fer fram á að menntun sé metin til launa.
Sigurlaug Gísladóttir skrifar:
Það er erfitt að sleppa og halda, einu sinni var krafan sömu laun fyrir sömu vinnu og ég fer eiginlega ekki ofan af því.
En þetta er samt hárrétt krafa í raun eða þannig, svona þegar maður hugsar djúpt. Því engin menntun er jafn mikils virði og skóli lífsins og skóli lífsins er hvað erfiðastur hjá öryrkjum (sem fá sínum launum skammtað af þessari stétt að mestu), þeim sem tekst með miklu harðfylgi að lifa af hvern mánuð af rétt rúmum 200.000 krónum, og margir hverjir án stuðningsnets.
Það er alveg klárt mál, að engin háskólamenntun kennir þér þau fræði, enda allir háskólamenntaðir sem ég veit um og hafa tjáð sig opinberlega viðurkennt að þeir geta þetta ekki.
Merkilegt hvað lítinn stuðning er því að fá frá menntastétt þegar kemur að öryrkjum. Spurning hvort það komi eitthvað til með að breytast?
Hvorki háskólamenntaðir eða aðrar stéttir þannig séð, hafa lyft litlafingri til stuðning kröfum öryrkja, og ég mun því ekki styðja neina þá kjarabaráttu sem ekki hefur það með í sínum kröfum að leiðrétta kjör öryrkja, og að fallið verði frá starfsgetumati, og að við endurskoðun almannatrygginga verði kallaðir að samningaborðinu fólk sem veit hvað það er að tala um í víðasta skilningi = þannig að öryrki er ekki sama og öryrki.
HÖFUM HÁTT……….