Atvinnurekendur hafna leiðsögn Alþingis

Frumvarp um styttri vinnuviku til meðferðar á Alþingi. Mætir andstöðu atvinnurekenda. Aðrir eru meðmæltir.

Frumvarpið felur í sér þá breytingu að í hverri viku skulu ekki vera fleiri en 35 dagvinnutímar sem vinna beri á dagvinnutímabili á virkum dögum og að jafnaði skuli unnar sjö klukkustundir í dagvinnu á degi hverjum frá mánudegi til föstudags,“ segir meðal annars í frumvarpi sem þingmenn Pírata hafa lagt fram á Alþingi.

„Þrátt fyrir að fjöldi vinnustunda á ári hafi dregist saman á undanförum árum er meðalvinnuvika á Íslandi um fjörutíu stundir. Í skýrslum OECD sem mæla jafnvægi á milli vinnu og frítíma sést að Ísland kemur mjög illa út en þar er landið í 33. sæti af 38 þjóðum þegar kemur að lengd vinnutíma, þar sem hallar verulega á karlmenn,“ segirí greinagerðinni.

Þrír á móti

„Þrír umsagnaraðilar lögðust gegn samþykkt frumvarpsins, en það voru Viðskiptaráð Íslands, Samtök atvinnulífsins og Félag atvinnurekenda, aðallega með þeim rökum að Alþingi væri á einhvern hátt að skipta sér af rétti samtaka atvinnurekenda og launþega að semja um kaup sín og kjör.“

Þú gætir haft áhuga á þessum

Fleiri með 

„Jákvæðar umsagnir voru mun fleiri. Þeir sem studdu frumvarpið voru umboðsmaður barna, Öryrkjabandalag Íslands, Samtök psoriasis- og exemsjúklinga, Mannréttindaskrifstofa Íslands, Kvenréttindafélag Íslands, Bandalag starfsmanna ríkis og bæja, Jafnréttisstofa, Félag foreldra leikskólabarna í Reykjavík og Barnaheill,“ segir einnig í greinagerðinni.

Sjá hér eldri frétt um sama mál:

Vinnum lengur en afköstum minna

 




Booking.com

Tengdar fréttir sem þú gætir haft áhuga á að lesa: