…70% opinberra starfsmanna eru konur …
Kjarabarátta „Nú er komið að semja við opinbera starfsmenn en þeir eru um 30% af heildinni. Stundum finnst mér sumir ganga ansi langt í að tala niður opinbera starfsmenn sem mér finnst mjög ósanngjarnt. Þetta fólk heldur uppi lungann af velferðarþjónustunni, kennslunni í samfélaginu, löggæslunni, heilbrigðiskerfinu, stjórnsýslunni og vísindastörfunum svo eitthvað sé nefnt,“ skrifar Ágúst Ólafur Ágústsson, fyrrverandi þingmaður, og núverandi starfsmaður Sjúkraliðafélags Íslands.
„Önnur merkileg staðreynd er að 70% opinberra starfsmanna eru konur og því er nánast önnur hver kona á vinnumarkaðinum opinber starfsmaður. Kjarabarátta opinberra starfsmanna er því ekki síst jafnréttisbarátta. Það er gefandi að vinna í þeirri baráttu,“ skrifar hagfræðingurinn og lögfræðingurinn Ágúst Ólafur.
