Bjarna Benediktssyni finnst ljósmæður vera ógn við stöðugleika og framtíð íslensks efnahagslífs. Mogginn birtir gröf sem eiga að vera máli Bjarna til stuðnings. Til þess bærir eiga eftir að tjá sig um reikningskúnstir ráðherrans. Til þessa hefur hann alls ekki verið nákvæmur þegar hann birtir tölur og útreikninga sem eiga að styðja málsrök hans.
Í viðtali Moggans við Bjarna segir hann á einum stað; „…við sjáum einstaka hópa skera sig úr ítrekað og segja að það komi ekki til greina að þeir fylgi launaþróun sem er í tengslum við það sem aðrir eru að fara fram á. Þetta er uppskrift að óstöðugleika, hærri vöxtum og verðbólgu.“
Nú er spurt, á Bjarni við sig sjálfan, sem hækkaði margfalt meira í launum en ljósmæður dreymir um að gera, eða á hann við ljósmæður?
Svarið er einfalt, hann sneiðir hér að þeim alltof fáu ljósmæðrum sem enn eru við störf.
