Má ég kyssa þig?

Umræðan Má ég kyssa þig, sagði Brynjar Níelsson, eflaust fullur, áhuga. Aðrir voru sammála um smekkleysi þingmannsins.

En það er það sem ég er að fjalla um. Ég er einn fárra sem les Reykjavíkurbréf Moggans, gerði það í morgun og af tillitssemi við ykkur hin er hér sýnishorn af hvernig hrokinn er í garð þeirra sem ekki eru innmúraðir og innvígðir. Í Hádegismóum er sýnilegur tautagatitringur.

Sýnishorn 1: „Það er eins og það sé tískuskoðun sjálfskipaðra spekinga að gott sé fyrir Ísland að yfirgnæfandi hluti þingheims sé skipaður hálfgerðum amatörum og lærlingum. Hvernig skyldi standa á því að aðrar þjóðir hafi ekki áttað sig á þessu?“

Á skalanum einn til tíu í hroka fær þetta 9,5.

Þú gætir haft áhuga á þessum

Sýnishorn 2: „Flokkar eins og Björt framtíð og Viðreisn voru enn á námssamningi í ríkisstjórn þegar þeir hlupu vegna máls sem Viðreisn viðurkenndi síðar að hefði ekkert haft með stjórnarsamstarfið að gera!“

Á skalanum einn til tíu í hroka fær þetta 9,6.

Sýnishorn 3. „Stjórnin sprakk af því að óvitum hafði verið falið að stjórna nokkrum ráðuneytum í ríkisstjórn Íslands. Sprengjan varð þegar eitthvert fólk, sem aldrei hefur verið nafngreint og enga ábyrgð bar, heyrði eftir miðnætti eins dags hvernig tiltekið ákvæði í lagabálki frá árinu 1940 hefði verið framkvæmt af öllum ríkisstjórnum og öllum stjórnarflokkum og öllum forsetum Íslands í meira en 70 ár!“

Hér er einkunnin hvorki meira né minna en fullt hús, 10,0.

Sýnishorn 4: „Þessum smáflokkum varð svo mikið um þetta að þeir treystu sér ekki til að bíða morguns, svo hefði mátt fá einhvern til að koma við í leikskólanum og upplýsa að Atte katte nova væri ekki íslenski þjóðsöngurinn.“

Hér er einkunnin 9,6 hið minnsta.

-sme




Booking.com

Tengdar fréttir sem þú gætir haft áhuga á að lesa: