- Advertisement -

Sigmundur Davíð svikinn og nýr flokkur

Ekki er minnsti vafi á að Sigmundur Davíð Gunnlaugsson, fyrrverandi forsætisráðherra og formaður Framsóknarflokksins, finnst að Sigurður Ingi Jóhannsson, sem jú er einnig fyrrverandi forsætisræáðherra, og núverandi formaður Framsóknarflokksins, hafi svikið sig, með því að gefa kost á til formanns Framsóknarflokksins, gegn Sigmundi Davíð.

Sigmundur Davíð efast greinilega ekki eitt augnablik um að þegar hann og Sigurður Ingi sátu á trúnaðarfundi þegar Sigmundur Davíð varð að segja af sér sem formaður og forsætisráðherra að Sigurður Ingi hafi sagst ekki gera það sem hann einmitt gerði.

Þessi er upplifun Sigmundar Davíðs og svo virðist sem hann geti ekki og ætli ekki að fyrirgefa Sigurði Inga það sem varð.

Trúlegast er að allt endi þetta með klofningi Framsóknarflokksins. Samvinnuflokkurinn verður þá til. Framsóknarflokkurinn hefur ekki í annan tíma verið minni og laskaðri en nú. Hvernig honum mun reiða af í samkeppni við Samvinnuflokk  Sigmundar Davíðs er óvíst og tvísýnt er um að hann lifi það af.

Þú gætir haft áhuga á þessum

Sigmundur Davíð hefur, þrátt fyrir allt sem á hefur gengið, nokkurt persónufylgi og eflaust ekki minna en Sigurður Ingi.

Framundan eru harðari átök innan Framsóknarflokksins sem mun líklega enda með stodnun Samvinnuflokksins, eða hvaða nafn sem hinn nýi flokkur mun fá.

Víst er að Gunnar Bragi Sveinsson mun fylgja Sigmundi Davíð og hugsanlega snýr Vigdis Hauksdóttir aftur í stjórnmálin. Spurning er hvað Elsa Lára Arnardóttir gerir.

Aldargamall Framsóknarflokkur berst í ölduróti stjórnmálanna.

Sigurjón M. Egilsson.

 

 


Booking.com

Tengdar fréttir sem þú gætir haft áhuga á að lesa: