Nú er öldin önnur. Framsókn virðist nánast stefnulaus flokkur. Hálfgert rekald.
Stjórnmál Miðflokkur Sigmundar Davíðs Gunnlaugssonar liggur ekki á skoðunum sínum. Miðflokkurinn er þriðji stærsti flokkur landsins, skv. nýjustu skoðanakönnunum. Spennandi er að fylgjast með ati Miðfokksins og Framsóknarflokksins. Miðflokkurinn, eins og áður sagði, hefur sínar stefnu á hreinu, en Framsókn alls ekki. Fer með veggjum.
Við lestur Reykjavíkurbréfs Moggans sést þetta: „Menn minnast þess enn þegar gildra var lögð fyrir Sigmund Davíð Gunnlaugsson á sínum tíma, og komst hann ekki hjá því að biðjast lausnar sem forsætisráðherra um nokkurt hlé á meðan hann hreinsaði af sér sakir. Sem hann gerði. Nánustu samstarfsmenn hans í flokknum hétu honum tryggð og heilindum, sem þeir stóðu ekki við.“
Þarna er fast skotið á Sigurð Inga Jóhannsson, formann Framsóknar og ráðherra. Vegna þessarar sögu er eðlilegt að horfa á hver staða þessara flokka er. Framsókn var sigurvegari síðustu kosninga. Velheppnuð kosningabarátta réði hvernig til tókst. Miðflokkurinn tapaði fylgi og varð undir í baráttunni við Framsókn.
Nú er öldin önnur. Framsókn virðist nánast stefnulaus flokkur. Hálfgert rekald. Fylgið virðist stefna lóðbeint niður. Miðflokkurinn rétt hafði það í síðustu kosningum.
Nú er öldin önnur.
