Guðmundur Ólafsson hafgræðingur hefur ekki mikla trú á Loga Einarssyni. Guðmundur skrifar:
„Bestyrelsesbesvær – Stjórnmálaviðhorfið
Helsti vandi xS er formaðurinn, elskulegur maður og viðkunnanlegur, en ekki forystumaður. Helga Vala yrði miklu öflugri og ekki væri verra ef hún hefði Kristrúnu Frostadóttur með í forystuteymi.
En það er raunar aðal vandi íslenskra stjórnmála, að flestir stjórnmálamennirnir rísa ekki hátt. Þetta sést best í samanburði til dæmis við þríeykið, þar sem fer afburðafólk. Þingflokkur miðflokksins skorar ekki hátt í þeim samanburði.
Þetta endurspeglast einnig í smáflokkagerinu, þar sem vænstu minniháttar menn safn um sig flokksmönnum til að geta gert sig breiða í fjölmiðlum. Framboðsgreinar sem nú fylla Morgunblaðið eru einnig gott dæmi um lágt ris frambjóðenda.
Það er til fullt af hæfileikaríku fólki á miðjum aldri, vel menntuðu og víðfrægt af störfum sínu. Það gefur ekki kost á sér, treysta sér trúlega illa í slag við frambjóðendur hagsmunaaðila, sem eitra allt samfélagið.
Afleiðingin er oft sú að hæfileikalítil klúðurhænsn eru ráðin til starfa í mikilvægar áhrifastöður hjá hinu opinbera, til þess að skyggja ekki á hina kjörnu ofvita.“