Að tapa fyrir sjálfum sér

Sigurjón Magnús Egilsson:

Nú vill þingmaðurinn að ráðist verði í allar þær breytingar sem ekki hefur tekist að gera frá árinu 1929.

Óli Björn Kárason er einn þeirra þingmanna sem hefur pólitískar skoðanir. Óli Björn virðist langþreyttur á erindisleysi eigin flokks. Sem hefur þó verið ráðandi í allflestum ríkisstjórnum í marga, marga áratugi. Grein Óla Björns í Mogga dagsins er svona og svona. Lok greinarinnar eru játning á getuleysi Sjálfstæðisflokksins. Þar er nánast sagt að flokkurinn hafi barist við sjálfan sig, aftur og aftur, og tapað. Yfir til þingmannsins Óla Björns Kárasonar:

„Við sem höf­um bar­ist fyr­ir frjáls­um viðskipt­um og tak­mörkuðum af­skipt­um rík­is­ins verðum að viður­kenna að við erum und­ir í bar­átt­unni við stjórn­lyndi og sam­fé­lags­verk­fræði. Við höf­um ekki náð að tryggja skil­virkni í eft­ir­liti með sam­keppni og starfs­hátt­um fyr­ir­tækja eða komið á jafn­ræði á mörkuðum þar sem ríkið sjálft sit­ur á fleti. Tæki­fær­in til að stokka upp, byggja und­ir virka sam­keppni og efla neyt­enda­vernd og sam­keppnis­eft­ir­lit hafa ekki verið nýtt. Það væri ábyrgðarlaust að láta næstu fjög­ur ár líða með hend­ur í skauti og horfa á dauða hönd fá­breyti­leik­ans leggj­ast yfir af full­um þunga.“

Nú vill þingmaðurinn að ráðist verði í allar þær breytingar sem ekki hefur tekist að gera frá árinu 1929.