Atvinnurekendur spá hörðum átakavetri

„Ekki er ólík­legt að spá Viðskipta­blaðsins eigi við rök að styðjast og að við nú­ver­andi aðstæður séu at­vinnu­rek­end­ur reiðubún­ir að ganga lengra en venja er,“ segir leiðara Moggans í dag. Rætur Moggans eru í húsi atvinnurekenda í Borgartúni 35, og því ber að taka því sem réttu þegar Mogginn tjáir sig um hugarfar þess fólks sem starfar í Borgartúni 35.

Það er verið að boða átakavetur bakki launafólk ekki og gefi eftir hluta launa sinna. Það er hreint klárt.

„Verka­lýðshreyf­ing­in hér á landi hef­ur tekið því sem fjar­stæðu að end­ur­skoða kjara­samn­inga til lækk­un­ar í ljósi áhrifa kór­ónu­veirufar­ald­urs­ins. Í þeirri af­stöðu felst vita­skuld ekki mikið raun­sæi og hún er ekki til þess fall­in að verja störf fé­lags­mann­anna,“ segir í Mogganum. Nokkurskonar Borgartúnspósti.

„Vita­skuld vill þó eng­inn þeirra átök og sýni verka­lýðshreyf­ing­in þann sjálf­sagða samn­ings­vilja að fall­ast á að taka til­lit til þess sem ít­rekað hef­ur verið kallað „for­dæma­laus­ar aðstæður“ þá ætti að vera hægt að semja um end­ur­skoðun samn­inga í þágu hag­kvæmni í rekstri fyr­ir­tækja og hærra at­vinnu­stigs,“ segir í þessi sama leiðara.

Við stefnum í harðan og langan kosningavetur og Mogginn, sem á rætur í Borgartúninu sem fyrr segir, boðar fyrir hönd sinna umbjóðenda, harðan vetur milli launafólks og Borgartúns 35.