- Advertisement -

Bjarni bjargi borg­inni und­an vinstra miðjumoðinu

Er það nokkuð skrítið að maður­inn Bjarni B. skuli vera hætt­ur eft­ir öll þessi ár í þessu líka dæma­lausa þrasi og mauli sem ís­lensk lands­málapóli­tík er? Ekki bara þvaðrið, blaðrið og ströglið á þing­inu held­ur ekki síður inn­an veggja Sjálf­stæðis­flokks­ins, þar sem einn er vin­ur í dag en ekki á morg­un. Enda sér maður á blessuðum drengn­um að gráu hár­in eru orðin æði mörg.

En Bjarni er ansi seig­ur nagli samt, sem ekki er létt að beygja, enda póli­tík hon­um í blóð bor­in.

Svo er það nú þannig að þótt maður tapi einni orr­ustu er ekk­ert sem seg­ir að maður geti ekki unnið þá næstu.

Reykja­vík­ur­borg hef­ur verið stjórnað allt of lengi af ein­hvers kon­ar vinstri-miðju-hrærigraut, fólki sem er mjög svo mislagðar hend­ur, enda rekst­ur borg­ar­inn­ar eft­ir því slæm­ur og má segja að hún sé rek­in með lán­tök­um til að forðast greiðsluþrot.

Þú gætir haft áhuga á þessum

Nú vil ég benda á að heppi­legt væri fyr­ir land og þjóð að Sjálf­stæðis­flokk­ur­inn næði aft­ur borg­inni á sitt vald og kæmi þar með rekstri henn­ar í þokka­legt stand, sem verður ærið verk­efni þegar litið er á stöðu borg­ar­inn­ar í dag.

Þá orr­ustu tel ég vel mögu­legt að Bjarni B. gæti unnið með glæsi­brag.

Það ein­hvern veg­inn stend­ur bara vel skrifað í rún­irn­ar að Bjarni Bene­dikts­son verði næsti borg­ar­stjóri Reykja­vík­ur.

Málið er það að það fer sam­an vel rek­in Reykja­vík­ur­borg og vel­meg­un úti á lands­byggðinni. Það helst í hend­ur. Hag­kerfi Reykja­vík­ur­borg­ar er það stórt á landsvísu að vissu­lega hef­ur það áhrif á lands­byggðina ef vel geng­ur í borg­inni, það skyldi maður nú ætla.

Hvíl­um nú­ver­andi minni­hluta borg­ar­inn­ar og biðjum Bjarna að setj­ast þar á stall. Minni­hlut­inn, þótt skipaður sé ágætu fólki, hef­ur brugðist að mörgu leyti.

Borg­ina vant­ar sterk­an for­ingja, hann finn­um við í Bjarna Bene­dikts­syni.

Björg­um borg­inni und­an vinstra miðjumoðinu.

Jóhann L. Helgason eldri borgari.


Auglýsing

Tengdar fréttir sem þú gætir haft áhuga á að lesa: