Sem kunnugt er, er Brynjar Níelsson þeirrar skoðunar að Bubbi Morthens eigi Samherja það að þakka að hann fái greidd opinber listamannalaun. Sem eru bar brot af launum Brynjars. Takmörkun Brynjars er eftirtektarverð.
Bubbi Morthens skapar ómæld verðmæti. Fjöldi fólks starfar þar sem Bubbi fer. Tónleikar hér og þar, plötur, upptökur í hljóðverum, hljóðfæraleikara, aðstoðarfólk, prentun, dreifing og annað spennandi sem er í sölu víða. Fjölda fólks þarf til að sinna öllum þeim störfum sem skapast vegna starfa og sköpunar Bubba. Margt, margfalt meira en það sem Brynjar skapar.
Við vitum að fólk hefur gaman af að fylgjast með beinni útsendingu frá Alþingi þegar Brynjar situr í sæti þingforseta. Sofnar Brynjar, eða sofnar hann ekki? Þar er spennan.
Aðfinnslurnar við Bubba voru feilspark hjá þingmanninum Brynjari. Bubbi Morthens skapar mikil verðmæti. Og svo allt hitt sem þessi magnaði listamaður skapar og gerir og við hin njótum.
Bubbi er ekki afæta á samfélaginu. En hvað með Brynjar?
-sme
