Davíð og Mogginn segja barnamorðin á Gasa vera óviljaverk

„ og álasa Ísra­el fyr­ir að verja hend­ur sín­ar.“

Davíð Oddsson.

Furðuskrif „Það er alþjóðlega saka­mála­dóm­stóln­um (ICC) til hneisu að leita hand­töku­heim­ild­ar á hend­ur ísra­elsk­um ráðherr­um og leiðtog­um Hamas og gref­ur und­an þeim alþjóðalög­um, sem hann þyk­ist vilja fram­fylgja. Þó ekki væri nema vegna þess að hann hef­ur hvorki lög­sögu í Ísra­el né Gasa; og sniðgeng­ur í þokka­bót eig­in regl­ur um að reyna önn­ur réttar­úr­ræði til þraut­ar.“

Þetta eru skrif ritstjóra Moggans sem hann birtir í dag.

„Með því að leita hand­töku­skip­un­ar sam­eig­in­lega yfir lýðræðis­lega kjörn­um valda­mönn­um í Ísra­el, sem brugðist hafa til rétt­mætr­ar varn­ar rík­is síns, og hryðju­verka­leiðtog­um Hamas, sem hófu þetta stríð með fjölda­morðum, nauðgun­um og mann­rán­um á óbreytt­um borg­ur­um og ít­reka að árás­irn­ar verði end­ur­tekn­ar uns Ísra­el verður afmáð, er dóm­stóll­inn að leggja það siðferðis­lega að jöfnu, sem stenst enga skoðun,“ segir í leiðaranum.

„…siðferðis­leg­ur grund­völl­ur…“

„Því það er siðblinda að leggja það allt að jöfnu. Það er siðblinda að sjá ekki mun á þeim sem drepa börn að yf­ir­lögðu ráði og þeim sem verða börn­um óvilj­andi að ald­ur­tila þrátt fyr­ir að leggja sig í fram­króka um að gera það ekki. Sjái ICC ekki mun á hryðju­verk­um Hamas og hernaði Ísra­els er siðferðis­leg­ur grund­völl­ur hans og dómsvald brostið.

Í gær lagði ut­an­rík­is­ráðherra Íslands bless­un sína yfir þessa skamm­ar­legu beiðni, áður en um hana hef­ur verið fjallað. Hún mun ekki binda enda á ófriðinn, held­ur grafa und­an dóm­stóln­um og álasa Ísra­el fyr­ir að verja hend­ur sín­ar.“

Svo mörg eru þau orð.  Að láta sem fjöldi barna á Gasa hafi verið drepinn óvart er hreint með ólíkindum. Myndir og frásagnir segja okkur allt annað. Leiðarinn opinberar enn og aftur hug ritstjórans í Hádegismóum.