Eliza Reid forsetafrú er afmælisbarn dagsins. Hú´n fagnar 46 árum í dag en hún fæddist árið 1976 í Ottawa í Kanada. Hingað til lands flutti hún árið 2003.
Guðni Th. Jóhannesson, eiginmaður hennar og forseti Íslands, minnist á afmæli frúarinnar á Facebook-síðu embættisins. Þar segir hann:
„Eliza á afmæli í dag en er fjarri heimili og fjölskyldu, á ferðalagi vestan hafs að kynna bók sína um íslenska sprakka og stöðu kynjanna á Íslandi. Ég hljóp því í skarðið fyrir hana og tók á móti nýju riti, Tómið eftir sjálfsvíg. Bjargráð til að lifa með sorginni. Anna Margrét Bjarnadóttir skrifaði þessa fallegu, sterku og mikilvægu bók. Eliza er verndari Píetasamtakanna og skrifaði kynningarorð um verkið á baksíðu þess. Ég hvet fólk til þess að kynna sér ritið og þennan þátt okkar samfélags. Við ættum öll að verða sterkari fyrir vikið,“ segir Guðni.