- Advertisement -

Fá­tækt fólk get­ur haldið áfram að éta það sem úti frýs

Inga Sæland:
Þrátt fyr­ir að til séu hundruð millj­óna til að styrkja einka­rekna fjöl­miðla sem jafn­vel eru í eigu auðmanna og bein­tengd­ir við stjórn­mála­flokka þá er svarið NEI

„Skila­boðin eru skýr. Fá­tækt fólk skipt­ir engu máli, það get­ur haldið áfram að éta það sem úti frýs. Það er með hrein­um ólík­ind­um að þurfa að horfa upp á þetta mis­rétti og ótrú­lega mann­vonsku stjórn­valda gegn þeim sem mest þurfa á hjálp að halda,“ skrifar Inga Sæland, þingmaður og formaður Flokks fólksins.

Inga á sæti í fjárlaganefnd Alþingis og þekkir vel til aðgerðarpakka ríkisvaldsins.

„Fólk sem bjó við fá­tækt fyr­ir heims­far­ald­ur­inn er hvergi nefnt í þess­um svo­kölluðu björg­un­araðgerðum rík­is­stjórn­ar­inn­ar. Sá þjóðfé­lags­hóp­ur hef­ur rétt eins og aðrir nú orðið fyr­ir tekjum­issi og út­gjalda­aukn­ingu. Gengi krón­unn­ar hef­ur fallið um 17% gagn­vart doll­ar frá ára­mót­um. Í fjár­laga­nefnd hef ég bar­ist und­an­farið fyr­ir því að í stað þess að greiða ein­ung­is 20 þús. kr. ein­greiðslu til ör­yrkja nú 1. júní nk., þá yrði þessi upp­bót fram­lengd 1. hvers mánaðar næstu þrjá mánuði. Þetta færi til allra al­manna­trygg­ingaþega sem hefðu ekki úr neinu öðru að spila en strípuðum greiðslum frá TR. En þrátt fyr­ir að til séu hundruð millj­óna til að styrkja einka­rekna fjöl­miðla sem jafn­vel eru í eigu auðmanna og bein­tengd­ir við stjórn­mála­flokka þá er svarið NEI!“

Þetta er hluti af lengri grein Ingu sem er að finna í Mogga dagsins.


Auglýsing

Tengdar fréttir sem þú gætir haft áhuga á að lesa: