Ferðaþjónustan byltir samfélaginu
- ferðafólk skapar okkur mikil verðmæti. „Það sem skýrir aukninguna milli ára er fyrst og fremst áframhald á kröftugum vexti í ferðaþjónustu sem er orðinn langstærsti einstaki liður þjónustuútflutnings frá landinu.“
„Aukningin nemur 44% og var borinn af miklum vexti í ferðaþjónustu líkt og verið hefur síðustu ár,“ segir í Hagsjá Landsbankans.
„Þjónustuútflutningur nam tæpum 126 ma. kr. á fyrsta ársfjórðungi og jókst um 11,3% frá því á sama tímabili í fyrra,“ segir þar. Þjónustuinnflutningur var tæpir 83 milljarðar króna og dróst og minnkaði frá því í fyrra. Afgangur af þjónustuviðskiptum nam því 43milljörðum og jókst um 44%. „Þróun síðustu ára fyrir þjónustuviðskipti fyrstu þrjá mánuði ársins sýnir að verðmæti innflutnings hefur haldist nokkuð stöðugt en verðmæti útflutnings hefur aukist verulega. Árið 2013 nam verðmæti innflutnings 76 milljörðum en 83 milljarðar á þessu ári. Á sama tíma hefur verðmæti útflutnings farið úr 94 milljörðum í 126 milljarða.“
En hvað skýrir aukninguna?
„Það sem skýrir aukninguna milli ára er fyrst og fremst áframhald á kröftugum vexti í ferðaþjónustu sem er orðinn langstærsti einstaki liður þjónustuútflutnings frá landinu. Á fyrsta ársfjórðungi nam hlutdeild ferðaþjónustu í heildarþjónustuútflutningi um 72%. Til samanburðar var þetta hlutfall 49% árið 2013.
Ferðaþjónustan í þjónustujöfnuði skiptist að grunni til í tvo liði. Annars vegar ferðalög, sem eru öll útgjöld erlendra ferðamanna hér á landi, og hins vegar öll útgjöld erlendra ferðamanna til íslenskra flugfélaga, hvort sem þeir aðilar eru skilgreindir sem ferðamenn sem koma hingað til lands eða ekki. Sá liður kallast einfaldlega farþegaflutningar með flugi.“
-sme
