(Fyrirsögnina, frat, frat, frat og aftur frat, er kjörið að söngla með laginu, Lax, lax, lax og aftur lax.)
Það er margt fratið í samfélaginu. Mest af því er pólitískt frat. Af mörgu er að taka. Hér verður aðeins fjallað um fjögur. Neðan við greinina er „kommentakerfi“ þar sem fólki er boðið að leggja til fleiri „fröt“.
Frat 1: Katrín Jakobsdóttir á fyrsta fratið. Sem stjórnarandstæðingur talaði hún svo sannfærandi um að bæta yrði hag verst setta fólksins. Að það mætti ekki bíða lengur eftir réttlætinu. Skömmu síðar myndaði hún ríkisstjórn og snerist á punktinum. Málflutningur hennar reyndist hafa verið algjört frat.
Frat 2: Bjarni Benediktsson kemur næstur. Hann leyfði sér að sitja á bráðnauðsynlegum gögnum um sig, þó einkum sér líka, heila kosningabaráttu. Þar hélt hann nauðsynlegum upplýsingum frá kjósendum. Fleira er hægt að telja upp um Bjarna og hans pólitík. Bjarni á eitt alveg skuldlaust. Hann er vænn fyrir sína bakhjarla.
Frat 3: Sigríður Á. Andersen fær þetta frat. Landsréttar afleikur hennar var svo afgerandi að ekki er annað hægt en setja hana á listann. Nú hefur bæst við gagnrýni á hana sem formann utanríkismálanefndar þingsins. Aðrir dómsmálaráðherrar Sjálfstæðisflokksins, fyrr og nú, eiga þetta frat með Sigríði. Flokkurinn hefur einangrað dómskerfið svo lengi að óholt er. Svo þegar stigið er á tærnar á þeim er brugðist við með illu. Mottóið Sigríðar og félaga varðandi dómsmálin, virðist vera, ég á þetta ég má þetta.
Frat 4: Það á Dagur B. Eggertsson. Hann er maður ófriðar. Stangar allt og alla. Óánægja sést víða í borginni. Það er deilt um allt og ekkert. Löng seta Dags í stafni borgarinnar virðist hafa skekkt dómgreindina. Um alla borg, innan borgarstjórnar og utan hennar, er ósætt. Ósætti um allt og ekkert. Meira að segja hvort Hagatorg sé hringtorg eða gata í hring. Mest áberandi nú er framganga hans gagnvart láglaunakonum. Dagur má þau eiga það að dregur Samfylkinguna yfir miðlínuna í pólitíkinni. Langt til hægri.
Hér að neðan er opið kommentakerfi þar sem er hægt að bæta við það sem hér stendur. Af nógu er að taka. Eins má endielga gagnrýna skrifin hér að ofan.
-sme
