Hvað ætla stjórnvöld að gera fyrir öryrkja og fátækt eftirlaunafólk?
Katrín Baldursdóttir:
Bíddu, hvar er stuðningurinn við fólkið sem á ekki fyrir húsaleigunni, hvar er stuðningurinn við skuldsetta láglaunafólkið sem á ekki fyrir afborgunum af húsnæðinu, sem það rétt marði að kaupa? Hvar er stuðningurinn við unga fólkið sem berst í bökkum? Hlustaði gaumgæfilega á fyrirætlanir stjórnvalda, vegna kórónaveirunnar, sem kynntar voru á blaðamannafundinum í Hörpu en heyrði ekkert um þetta. Þrátt fyrir flott glærusjó og miklar útskýringar.
Hvað ætla stjórnvöld að gera fyrir öryrkja og fátækt eftirlaunafólk? Ekki orð um það. Sem er hneyksli.
Hvernig ætla stjórnvöld að stöðva gróðrapunga sem ætla sér að græða á falli krónunnar? Afhverju eru ekki sett gjaldeyrishöft til að koma í veg fyrir svoleiðis menn geti valsað um og fyllt allar sínar peningakistur á krísutímum.
Ég er alls ekki að gera lítið úr því sem vel er gert, en því miður eru aðgerðirnar sem kynntar voru í dag einum of mikið til að vernda peningamenn og forða þeim að fara á hausinn. Þeir sem verst eru settir sitja alltaf eftir. Það er bara lögmál nútíma kapítalisma.