Það kemur nokkuð á óvart að unga fólkið í þingflokki Framsóknar t..d. Hafdís Hrönn reyni ekki að jarðtengja formanninn.
Sigurjón Þórðarson.
Sigurjón Þórðarson skrifaði:
Á miðstjórnarfundi Framsóknarflokksins hrósar Sigurður Ingi sjálfum sér og forverum sínum sem hafa farið með húsnæðismálin frá árinu 2013 og segir að þau hafi byggt upp „Norrænt“ kerfi sem nú sé að sýna styrk sinn – Öllu má nú nafn gefa!
Eygló Harðardóttir sem sinnir nú pólitískum sérverkefnum hjá lögreglunni vann sér það helst til frægðar í ráðherrastóli að afhenda í kippum húsnæði sem almenningur hafði misst á uppboði til innvígðra flokksgæðinga í Framsókn.
Staðan nú er sú að ungu fólki er nánast ókleift að eignast sína fyrstu íbúð, og sístækkandi hópur neyðist til þess að leigja hjá illræmdum leigufélögum á borð við Ölmu. Bankarnir eru nú að skrúfa vexti upp hjá sér þannig að fyrirséð er að stór hluti íbúðareiganda muni lenda í fjárhagsörðugleikum á næstu misserum.
Það kemur nokkuð á óvart að unga fólkið í þingflokki Framsóknar t..d. Hafdís Hrönn reyni ekki að jarðtengja formanninn.
Það er greinilegt að andrúmsloftið í ríkisstjórninni er orðið súrt og leggur Sigurður Ingi á sig krók til þess að koma höggi á Svandísi Svavars og gefur sterklega í skyn að hún eigi sök á þröngri stöðu ungra bænda.
