Gunnar Smári skrifaði:
Staðreyndir máls eru þær að útflutningsverðmæti sjávarafurða var svona þessi ár:
- 2018: 244,7 milljarðar króna
- 2019: 260,4 milljarðar króna
- 2020: 269,9 milljarðar króna
En veiðigjöldin, leigan fyrir afnotin af auðlindinni voru svona:
- 2018: 11,3 milljarðar króna
- 2019: 6,6 milljarðar króna
- 2020: 4,8 milljarðar króna
Það merkir að leigan fyrir afnotin að auðlindinni fóru úr 4,62% af útflutningsverðmætinu niður í 1,78%.
Þetta er svakalegur afsláttur. Ef leigan hefði haldið í við það sem hún var 2018 hefði átt að innheimta 12,5 milljarða króna í fyrra en ekki 4,8 milljarða króna. Mismunurinn er 7,7 milljarðar króna, sem renna frá hlut almennings yfir í hlut útgerðarinnar, mest til hinna stóru.
Reyndar var leigan árið 2018 alltof lág, hefði átt að vera fjórum sinnum eða fimm sinnum hærri. Leigan í fyrra var því um tíu sinnum of lág.
Svona erum við rík þjóð. Höfum efni á að gefa frá okkur eignir okkar til örfárra, kannski fjórtán fjölskyldna.