Örlætið allt að drepa; Íslendingar leggja fram andvirði 3ja-herbergja íbúðar „til að tryggja framtíð jarðarinnar“

Þessi frétt birtist í Morgunblaðinu 2. desember sl.:

Ísland mun leggja 80 millj­ón­ir króna í nýj­an lofts­lags­ham­fara­sjóð á kom­andi ári. Þetta til­kynnti Katrín Jak­obs­dótt­ir for­sæt­is­ráðherra á lofst­lags­ráðstefnu Sam­einuðu þjóðanna, COP28, í dag.

„Heims­byggðin þarf að ein­blína á hætt­urn­ar sem fel­ast í lofts­lags­breyt­ing­un­um. Þessi mik­il­vægi fund­ur þarf að senda skýr skila­boð um að við mun­um leggja enn meira af mörk­um til að tryggja framtíð jarðar­inn­ar,“ sagði Katrín í ávarpi sínu á ráðstefn­unni, sem nú fer fram í Dúbaí.

For­sæt­is­ráðherra lagði í ávarpi sínu áherslu á nauðsyn þess að ná fram mark­miðum Par­ís­ar­samn­ings­ins um að tak­marka hlýn­un jarðar við 1,5 gráðu á sel­síus. Hag­kerfi heims þurfi að leggja megin­á­herslu á sjálf­bærni og vel­sæld í stað þess að há­marka fram­leiðslu og neyslu.

Fasa út notk­un á jarðefna­eldsneyti

Katrín sagði mann­rétt­indi vera lyk­il­atriði í öll­um lofts­lagsaðgerðum og nauðsyn­legt væri að fasa út notk­un á jarðefna­eldsneyti og hætta öll­um niður­greiðslum á því.

Að lok­um til­kynnti hún að Ísland yrði stofnaðili að nýj­um lofts­lags­ham­fara­sjóði og muni leggja 80 millj­ón­ir króna þar inn á kom­andi ári.

Katrín flutti einnig ávarp á leiðtoga­fundi um mót­vægisaðgerðir og opn­un­ar­ávarp á mál­stofu Græn­vangs um sam­starf einkaaðila og op­in­berra aðila varðandi lausn­ir í um­hverf­is- og lofts­lags­mál­um.

Hér vakna hjá undirrituðum 2 spurningar:

1. Er þetta bara gabb eða grín, þó að langt sé í 1. apríl?
2. Eða, erum við algjörir aumingjar, nema í því að senda

fatlað fólk og unglingsdrengi frá Palestínu í óvissu og sennilega hörmungarvist í Grikklandi? Þar erum við öflug.

Spyr sá, sem hvorki veit né skilur.