- Advertisement -

Steingrímur, ertu með plan b?

Vonandi ræða Vinstri græn þessa stöðu um helgina.

Mynd: Efla.

Oft sannast að það sem fólk hrifsar til sín sé ekki góður fengur. Svo virðist ætla að verða með PCC á Bakka við Húsavík. Fengur Steingríms og fleiri er við að breytast í martröð. Iðjuverið vantar ómælt af peningum. Að venju er leitað til lífeyrissjóðanna sem allt of oft eru með upp á gátt þegar menn skýjaborganna banka upp á.

Ruðningsáhrifin af hinni mjög svo umdeildu fabríkku eru orðin mikil. Erfitt verður að vinda ofan öllu því sem gert hefur verið. Verst verður þó þegar lífeyrissjóðirnir samþykkja að brenna meira af sparifé almennings í kolabrennslunni við Skjálfandaflóa. Það yrði samt svo dæmigert.

Þú gætir haft áhuga á þessum


Gamaldags og steinrunninn flokkur.

Í upphafi var öllu lofað, skattfrelsi, jarðgöngum og bara hverju sem er. Því þarf að spyrja Steingrím hvort hann hafi leitt hugann að því að ekki yrði grundvöllur til rekstrar farbríkkunnar. Hvað gera menn þá, forseti Alþingis, Steingrímur J. Sigfússon?

Vonandi ræða Vinstri græn þessa stöðu um helgina. Þá verður tækifæri til að klappa formanninum gamla lof í lófa. Eða hvað? Kolabrennslan á Bakka á að duga ein og sér til að dæma VG úr leik sem umhverfisflokk. Gamaldags og steinrunninn flokkur.

Veik von eða engin er til að Steingrímur stigi upp um helgina og opinberi hvað gera skuli fari sem horfir á Bakka við Húsavík.


Booking.com

Auglýsing

Tengdar fréttir sem þú gætir haft áhuga á að lesa: