- Advertisement -

Þorsteinn varð steinhissa í Minigarðinum:„Seriously???“

Þorsteinn nokkur átti varla til orð í síðustu heimsókn sinn í Minigarðinn, sem athafnamaðurinn og áhrifavaldurinn Sigmar Vilhjálmsson rekur. Í garðinum ákvað Þorsteinn að gæða sér á veitingum og fjallar hann um upplifun sína í færslu í fjölmennu samfélagi á Facebook, Vertu á verði – eftirlit með verðlagi. Þar birtir hann minn af borgaranum sem hann fékk og segir:

„Þetta kostar 950 krónur í Mini-garðinum. Skil núna af hverju þetta heitir Mini Garðurinn. Hélt fyrst að það væri út af mini golfinu.“

Þessa mynd birti Þorsteinn af borgaranum sem hann fékk í Minigarðinum.

Hávær umræða fer nú fram í hópnum. um magn og verð veitinganna í Minigarðinum Margir meðlimir hafa rokið upp og furðað sig á verðlagningunni. Karlotta er ein þeirra. „Vá verðið!,“ segir hún.

Og Telma virðist því algjörlega sammála. „Þetta er svo mikill brandari maturinn og verðlagið hjá þeim,“ segir Telma. Eyþór skilur heldur ekkert í þessu. „Seriously???,“ spyr hann.

Karen kemur Sigmari og félögum í Minigarðinum til varnar. „Þetta er bara til smakka, eins og forréttur. Forréttir eru oftast á þessu verði, ég er ekki hissa á þessu,“ segir Karen ákveðin.

Gísli á ekki von á öðru en að Sigmar grípi fljótlega til varnar. „Bíddu þangað til að allt skrifstofustaffið frá Minigarðinum ásamt Simma Vill kemur hingað með sitt réttlætisrant… Hvað við höldum að hann sé að græða á þessu og bla bla… Við almenningur hefðum ekkert vit á viðskiptum ble ble… Það kostar að reka svona stað á Íslandi…Allt þetta sem að við erum vel meðvituð um fyrir löngu. En það breytir því ekki að þetta er afskaplega dýr munnbiti og mettir ekki neitt,“ segir Gísli.

Á matseðlinum er boðið upp á tvo mini-borgara saman á 1.895 krónur.

Tengdar fréttir sem þú gætir haft áhuga á að lesa: