Tóku við yfirfullum tugthúsum

Viðskilnaður fyrri ríkisstjórnar var með eindæmum slakur. Ekki er að undra að Bjarni Benediktsson hafi stokkið frá borði. Sigurður Ingi þrjóskast enn við. Spurningin er hversu lengi Framsókn vill hafa hann í sinni fremstu víglínu.

Um hversu illa fyrri ríkisstjórn stóð sig ætla ég að sækja til Moggans.

„Í svari Þor­bjarg­ar Sig­ríðar Gunn­laugs­dótt­ur dóms­málaráðherra við fyr­ir­spurn Diljár Mist­ar Ein­ars­dótt­ur alþing­is­manns um er­lenda fanga kem­ur fram að þeim hef­ur fjölgað veru­lega á síðustu árum. Árið 2020 voru þeir 26, eða 21% af heild­ar­fjölda fanga í land­inu, en í fyrra voru þeir orðnir 50 og hlut­fallið hafði tvö­fald­ast, var orðið 42%.

Þess­um vax­andi fjölda fylg­ir vax­andi kostnaður en einnig marg­vís­leg­ur ann­ar vandi, meðal ann­ars að þeir taka út refs­ing­una inn­an um ís­lenska fanga sem dreg­ur veru­lega úr lík­um á að vist­in geti tal­ist betr­un­ar­vist, sem von­ir standa þó til.

…enn einn svartur dómur um störf ríkisstjórnar Bjarna Benediktssonar.

Já­kvætt er að dóms­málaráðherra virðist átta sig á þess­um vanda og seg­ir í svari sínu að stór hluti fanga falli und­ir samn­inga sem gerðir hafa verið við önn­ur ríki um að þeir afpláni í heimalandi sínu. Ekki síður að ráðherra telji að nýta verði þess­ar heim­ild­ir „til fulls“ og að í ráðuneyt­inu sé verið að vinna að því að fleiri fang­ar afpláni í heimalandi sínu.

Þá seg­ir í svar­inu að ráðherra telji „jafn­framt koma vel til greina að semja við önn­ur ríki um flutn­ing er­lendra fanga, ef svo ber und­ir, að því gefnu að aðstæður í fang­els­um upp­fylli alþjóðleg­ar mann­rétt­inda­skuld­bind­ing­ar“. Und­ir þetta má taka og Ísland ætti að leita allra leiða til að sem flest­ir er­lend­ir fang­ar afpláni er­lend­is, hvort sem er í sínu heimalandi eða ekki. Það mundi í senn bæta ástandið í und­ir­heim­un­um hér á landi, lækka kostnað við fang­elsi og fleira hjá hinu op­in­bera, auk þess sem slík ráðstöf­un hefði að lík­ind­um fæl­andi áhrif á þá sem velta fyr­ir sér að koma hingað í vafa­söm­um er­inda­gjörðum.“

„Já­kvætt er að dóms­málaráðherra virðist átta sig á þess­um vanda,“ segir Mogginn. Hvað þá með núverandi formann Sjálfstæðisflokksins, Guðrúnu Hafsteinsdóttur fyrrum dómsmálaráðherra? Áttaði hún sig ekki á vandanum?

Þessi skrif Moggans eru enn einn svartur dómur um störf ríkisstjórnar Bjarna Benediktssonar.

-sme