Jón Steinar Gunnlaugsson skrifaði opið bréf til forsætisráðherra:
Ég vek athygli þína á að Þorbjörg hefur um áratuga skeið starfað í dómskerfinu.
Fyrir liggur að starfsálag á hvern sitjandi dómara í Hæstarétti minnkaði við stofnun Landsréttar 2018 í minna en 25% af því sem verið hafði. Reyndar er málum svo háttað að fyrir breytinguna var Hæstiréttur að dæma í u.þ.b. 750 málum á ári. Við breytinguna fækkaði dæmdum málunum niður í 20-60 mál á ári sem er innan við 10% af því sem verið hafði. Talan 25% felur því í sér töluvert meira starfsálag en raunin var og er sett fram til að stíga ekki of fast fram gagnvart dómurum ráttarins sem vildu halda fjölda þeirra uppi svo þeir gætu frekar sinnt öðrum störfum, sem jafnvel ríkisvaldið fékk þeim í hendur.
Þegar núverandi Landsréttur var stofnaður var dómurum við Hæstarétt einungis fækkað úr 9 í 7 þrátt fyrir ofangreindar staðreyndir, sem eru óumdeildar. Þeir höfðu verið 5 talsins mestan hluta 20. aldarinnar og var það kappnóg til að sinna þeim málum sem dæma þurfti.
Ég hef birt pistla um þetta og lýsi mig fúsan til að hitta þig og skýra málið fyrir þér ef þú vilt.
Núverandi ríkisstjórn lagði áherslu á það í byrjun að fyrirhugað væri að spara í ríkisrekstri, m.a. með því að fækka starfsmönnum ríkisstofnana. Ég sendi inn pistil um fækkun dómaranna í Hæstarétti. Þar voru sjónarmið mín rækilega rökstudd. Það var ekki liðinn sólarhringur frá myndun stjórnarinnar þegar Þorbjörg Sigríður Gunnlaugsdóttir dómsmálaráðherra birtist í fjölmiðlum til að segja að ekki kæmi til greina að fækka dómurum Hæstaréttar. Við skulum hafa í huga að fækkun dómaranna úr 7 í 5 myndi minnka möguleika lögfræðinga til að fá skipun í réttinn á næstu árum, þ.m.t. Þorbjargar Sigríðar.
Ég vek athygli þína á að Þorbjörg hefur um áratuga skeið starfað í dómskerfinu, lengst af sem saksóknari. Hún er held ég innvígð í lögfræðingahópinn sem þar vill öllu ráða, sbr ummæli Benedikts Bogasonar forseta Hæstaréttar þegar hann var spurður um tillögur mínar.
Fyrir liggur að fækkunin í réttinum myndi spara ríkissjóði háar fjárhæðir næstu árin. Þér virðist vera alvara með markmiðið um sparnað. Ég hef birt pistla um þetta og lýsi mig fúsan til að hitta þig og skýra málið fyrir þér ef þú vilt.
Jón Steinar Gunnlaugsson fyrrverandi dómari við Hæstarétt.
