- Advertisement -

Bjarni Ben og útrýming fátæktar

Hvers vegna í ósköp­un­um er rík­is­stjórn­in ekki með áætl­un um að út­rýma fá­tækt?

„Ég held að rík­is­stjórn­in og fjár­málaráðherra séu búin að stinga hausn­um í sand­inn. Með því telja þau sig ekki þurfa að sjá fá­tækt og hvað þá sárafátækt. Þau sjá ekki allt fólkið sem stend­ur í biðröð eft­ir mat eða þann fjölda fólks, sem þarf að leita sér heitr­ar máltíðar á hverj­um degi, en hann hef­ur nær tvö­fald­ast,“ skrifar Guðmundur Ingi Kristinsson, þingflokksformaður Flokks fólksins, í Moggann í dag.

„Fjár­málaráðherra hef­ur sagt að það séu bara ör­fá­ir ein­stak­ling­ar í þeirri öm­ur­legu aðstöðu að vera í fá­tækt, en samt tekst hon­um að gleyma þeim. Enn færri í sárafátækt, en samt eru þeir ekki hluti af því sem hann eða rík­is­stjórn­in hef­ur metnað til að hjálpa.

Hvers vegna í ósköp­un­um er rík­is­stjórn­in ekki með áætl­un um að út­rýma fá­tækt? Fá­menn­ur hóp­ur seg­ir fjár­málaráðherra, en samt ekki hægt að hjálpa hon­um. Þessi litli hóp­ur fólks sem sam­an­stend­ur af ör­yrkj­um, eldri borg­ur­um og lág­launa­fólki.

„hvar á að finna pen­inga til þess?“

Þá bæt­ist við sá fjöldi at­vinnu­lausra sem detta út af at­vinnu­leys­is­skrá og beint í sárafátækt. Ömur­leg­ast við það er að þetta snert­ir fjölda barna sem lenda í fá­tækar­pytt­in­um með for­eldr­um sín­um,“ skrifar Guðmundur Ingi,

„Svarið sem fjár­málaráðherra gef­ur, spurður um fram­taksleysi rík­is­stjórn­ar­inn­ar við að út­rýma fá­tækt, er; „hvar á að finna pen­inga til þess?“ Já, það er til fjár­magn í flestallt nema til að út­rýma þjóðarskömm­inni fá­tækt. Fá­tæk­ir verða að bíða leng­ur og jafn­vel í fjög­ur ár í viðbót ef þessi rík­is­stjórn verður áfram við völd eft­ir kosn­ing­ar. Sjá­um til þess að það verði ekki, því ann­ars held­ur áfram mis­skipt­ing­in og þá einnig stétta­skipt­ing sem af fá­tækt­inni leiðir á Íslandi og hún bitn­ar hvað verst á börn­un­um.“

(Þetta er önnur fréttin í dag þar sem Bjarna Ben er getið. Mögulega verða þær fleiri.)


Tengdar fréttir sem þú gætir haft áhuga á að lesa: