- Advertisement -

Dagur segir Vigdísi beita lygum

Hætti að reyna að ala hverjir aðra upp í kurteisi og góðum siðum. „...strax frá upphafi fékk maður það á tilfinninguna að maður ætti að læra að hlýða.“

Sanna Magdalena og Kolbrún. „Fólk sem gefur sig í þessi störf má ekki gera eigin persónu og móðgunargirni að aðalatriði máls,“ segir Sanna.

„Vigdís hefur sagst hafa vísað í tölvupóst frá Kjarafélagi viðskipta- og hagfræðinga sem hún hefur birt. Það stenst enga skoðun. Borgarfulltrúinn vísar alls ekki til upplýsinga frá félaginu í facebook-færslu sinni. Þvert á móti heldur Vigdís því fram að um eineltismál og eineltisdóm sé að ræða en tölvupóstar KVH voru ekki síst sendir til að halda því til haga að ekki væri um eineltismál að ræða. Borgarfulltrúinn hafði því ofangreinda tölvupósta í raun að engu,“ segir Dagur B. Eggertsson borgarstjóri í Mogganun í dag.

Af þessum lestri er víst að öldurnar eru ekki að lægja í Ráðhúsinu. Í sama blaði og á sömui blaðsíðu segir Vigdís: „Ég er nokkuð vel að mér í stjórnsýslunni og ég vissi alltaf að þessi framkoma borgarritara og skrifstofustjórans væri einstök og dæmalaus. Þótt þetta hafi alls ekki komið mér á óvart finnst mér frábært að fá það staðfest frá fræðimönnum á sviði opinberrar stjórnsýslu að ég hafði rétt fyrir mér.“

Þarna greinir þau illilega á og hvort sem kjósendur í Reykjavík vilja eða vilja ekki verður framhald á. Nýliðarnir, Sanna Magdalena Mörtudóttur Sósíalistaflokki og Kolbrún Bjaldursdóttir eru einnig spurðar um ástandið í Ráðhúsinu.

Þú gætir haft áhuga á þessum

Sanna segir: „Ég legg til að allir aðilar, borgarfulltrúar jafnt sem embættismenn, snúi sér að því að sinna sínum verkefnum af sem mestum heilindum og hætti að reyna að ala hverjir aðra upp í kurteisi og góðum siðum. Fólk sem gefur sig í þessi störf má ekki gera eigin persónu og móðgunargirni að aðalatriði máls.“

Og Kolbrún: „…strax frá upphafi fékk maður það á tilfinninguna að maður ætti að læra að hlýða.“

Vigdís: Framkoma borgarritara og skrifstofustjórans væri einstök og dæmalaus.

Booking.com

Tengdar fréttir sem þú gætir haft áhuga á að lesa: