Arna Lára Jónsdóttir, þingkona Samfylkingarinnar og fyrrum bæjarstjóri á Ísafirði, skrifaði harða grein:
„Ósvífni eða mistök í leiðara Morgunblaðsins? Það var ekki núverandi ríkisstjórn sem lagði á innviðagjöld á skemmtiferðaskip heldur var það ríkisstjórn Sjálfstæðisflokks, Framsóknarflokks og VG sem ákvað án nokkurs fyrirsjáanleika að leggja þessi gjöld. Gjaldið er 2500 kr. á hvern farþega á sólarhring á meðan skip er í lögsögu Íslands og til samanburðar er gistináttaskatturinn 800 kr á hverja gistieiningu. Núverandi ríkisstjórn Samfylkingar, Viðreisnar og Flokks fólksins hefur þegar lagt til að gjaldið verði lækkað um 500 kr. eða um 20% í þröngri stöðu ríkissjóðs. Efnahags- og viðskiptanefnd Alþingis, sem ég fer fyrir, er jafnframt að skoða hvort svigrúm sé til frekari lækkunar.“
Davíð er því einni ríkisstjórn of seinn.
