- Advertisement -

Eldsneytisamningar Icelandair í algjöru rugli og betra væri ef Bogi Nils hættir

„Mér sýnast eldsneytissamningar Icelandair vera í algjöru rugli. Þetta er bara eins og sturta peningunum niður að vera með þessar eldsneytisvarnir. Því ef ég skil þetta rétt þá er Icelandair að fara að borga tvöfalt meira en markaðsverðið á eldsneyti er í dag. Þetta eru blóðpeningar þó önnur flugfélög sitji líka uppi með svona samninga,” segir Almar Örn Hilmarsson, fyrrverandi forstjóri Sterling og Iceland Express, í viðtalið við Túrista. Hann undirstrikar þar að það sé auðvelt að vera vitur eftir á. Núverandi eldsneytissamningar Icelandair hafi nefnilega verið gerðir við allt aðrar aðstæður en nú eru uppi.

Meira úr viðtalinu á turisti.is:

„Ég ber virðingu fyrir því sem hefur verið gert og þetta voru tímabærar breytingar á kjörum. Einnig hvað varðar fækkun starfsfólks á skrifstofum og fleira. Margt í tiltektinni hefði átt að vera löngu búið að gera. Ég ætla ekki að leggja til að Bogi hætti sem forstjóri en það getur verið hollt fyrir fyrirtækið að einhver annar taki við. Það er búið að persónugera hann við þessar breytingar þó hann hafi bara verið að bjarga störfum. Þó það kunni að vera ósanngjarnt þá þarf stundum að fjarlægja eitthvað út úr jöfnunni til að dæmið gangi upp.”

Og svo þetta:

„Stuttu eftir gjaldþrot Sterling voru önnur flugfélög búin að taka við um 60 til 70 prósent af leiðakerfinu okkar. Restin var þá hvort eð er ekki arðbær. Það er því alls enginn heimsendir ef eitt flugfélag fer og sérstaklega núna þegar ferðaáhuginn er mjög lítill. En það er ekkert annað flugfélag sem fyllir alveg skarð Icelandair á Keflavíkurflugvelli ef það fellur. Og kannski er heldur ekki beint þörf á því,” segir Almar að lokum.


Auglýsing

Tengdar fréttir sem þú gætir haft áhuga á að lesa: