…aðrir leiðtogar hafa ekki kjark til að standa með sínu fólki, en ég tel að forsætisràðherra sé ekki slíkur leiðtogi.
Helga Vala Helgadóttir.
„Það er áhugavert að verða öðru sinni vitni að veiðileyfi stjórnarflokkanna á Svandísi Svavarsdóttur ráðherra af þingmönnum stjórnarflokkanna og samràðherrum. Svipað var uppi á teningnum á síðasta tímabili í tryllingnum vegna covid aðgerða og virðist sem það sé bara samþykkt af leiðtoga ríkisstjórnarinnar. Þetta er ekki birtingarmynd hefðbundins skoðanaágreinings heldur er verið að hjóla í ráðherrann af öllu afli af bandamönnum,“ skrifar Helga Vala Helgadóttir Samfylkingu.
„Það er einkenni góðs leiðtoga að halda utan um hópinn sinn, ekki í blindni heldur af velvilja og mennsku. Það er svo sannarlega ekki allra að gera það, sumir leiðtogar átta sig ekki á mikilvægi heildar heldur telja snilldina felast í einstaklingskastljósinu, aðrir leiðtogar hafa ekki kjark til að standa með sínu fólki, en ég tel að forsætisràðherra sé ekki slíkur leiðtogi. Þess vegna vekur það nokkra undrun að hún leyfi þessu bara að eiga sér stað aftur. Kannski er það bara vegna þess að Svandís er sterk kona, en sterkar konur þurfa líka stuðning frá sínu fólki.“
