„Við vitum ekki hve lengi kórónuveiran verður áhrifavaldur í samfélaginu og verðum að búa okkur undir að lifa með henni til lengri tíma. Til þess að okkur takist það sem best er mikilvægt að stjórnvöld hafi sem gleggsta mynd af áhrifum þeirra sóttvarnaráðstafana á líf almennings sem hingað til hefur verið beitt,“ skrifar Svandís Svavarsdóttir í glænýrri Moggagrein.
Það er sem heilbrigðisráðherrann lifi í öðru samfélagi. Sáttin um baráttuna við Covid var rofin af samráðherra Svandísar. Ysta hægrið er að springa í vörnum fyrir Þórdísi Kolbrúnu og hópast fram til að segja aðgerðirnar alltof harðar. En Svandís veit ekki af því:
„Hingað til höfum við á Íslandi borið gæfu til þess að taka ákvarðanir sem eru tiltölulega lítið íþyngjandi fyrir samfélagið, en aðgerðirnar hafa óhjákvæmilega haft áhrif á líf og atvinnu nánast allra landsmanna,“ skrifar Svandís. Hún setur enga fyrirvara. Ekki einu sinni um vinkonusamkomur.
Annað hvort skilaði Svandís inn gamalli grein eða hið ótrúlega sé að gerast. Að gjá sé að myndast milli systurflokkanna Vinstri grænna og Sjálfstæðisflokks.
