- Advertisement -

Fátækt og hörmungar vegna lokunarstefnu

Á meðan verða miklar takmarkanir á ferðafrelsi og samkomufrelsi og allar varúðarráðstafanir í gangi.

Haukur Arnþórsson skrifar:

Danskur bólusetningarsérfræðingur sagði í liðinni viku að ekki kæmi til greina að bólusetja ungt fólk og börn gegn COVID-19. Raunar má reikna með að fólk á barneignaaldri eigi alls ekki að láta bólusetja sig. Þetta er vegna þess að lengri tíma áhrif bóluefnisins eru ekki þekkt í svona snöggsoðnu bóluefni (þróun þeirra tekur yfirleitt 10 ár eða meira). Þá má líka minna á að bóluefnið við SARS-veirunni var mikið hættulegra en sjúkdómurinn, en það olli svefnsýki hjá börnum og ungu fólki og mikill fjöldi fórnarlamba hafa ekki náð sér enn og sumir eru öryrkjar fyrir lífstíð.

Þetta þýðir að COVID-faraldurinn verður að ganga yfir – enda engin ástæða til annars þar sem ungt fólk og börn fær veikina oft einkennalaust eða vægt. Það er bara spurning hvenær hann gengur yfir. Nú er svo komið að rétt kann að vera að bíða eftir bóluefni fyrir viðkvæma hópa og aldraða – en þá getur tekið allt að 1,5 ár að faraldurinn gangi yfir. Á meðan verða miklar takmarkanir á ferðafrelsi og samkomufrelsi og allar varúðarráðstafanir í gangi (vonandi verður málfrelsi komið á) – til að hemja yfirferðina.

Það er því líklegt að faraldurinn muni lama Ísland nokkuð lengi héðan í frá – og við eigum eftir að sjá Svíþjóð sem virti mannréttindi og lét faraldurinn hefjast strax í febrúar 2020 verða langt á undan við að koma efnahag sínum af stað á ný. Fátæktin og hörmungarnar sem lokunarstefnan leiðir af sér hér á landi eiga eftir að koma betur í ljós á næsta ári og 2022.


Tengdar fréttir sem þú gætir haft áhuga á að lesa: