„Allar vinnudeilur enda með samningum.“ Þetta segir í Moggagrein Óla Björns Kárasonar þingflokksformanns Sjálfstæðisflokksins. Þetta er rangt.
„Árið 2015 urðu miklar deilur um gerð kjarasamninga og fóru félög BHM og Fíh í verkföll sem endir var bundinn á með lögum. Í kjölfarið úrskurðaði gerðardómur um laun þeirra og samræmdi launasetningu með tilliti til mats á menntun,“ segir um gerðardóm um laun hjúkrunarfræðinga. Gerðardómur dæmdi um laun þeirra 2015 og 2020 þar sem samningar tókust ekki. Ráðuneyti Bjarna Benediktssonar vildi ekki semja við hjúkrunarfræðinga í tvígang, 2015 og 2020.
