Áhyggjuefni er að samþykktir sambandsins, verklag og vinnubrögð eru mjög í anda þeirra popúlistaflokka sem vaxandi stuðningur er við um þessar mundir í Evrópu.
„Stjórn Sambands íslenskra sveitarfélaga er skipuð 11 sveitarstjórnarfulltrúum, þar af tilheyra 10 fjórflokknum,“ bókaði Vigdís Hauksdóttir á borgarráðsfundi.
Vigdís benti á: „Úrslit sveitarstjórnarkosninganna árið 2018 urðu á þann veg að fjórflokkarnir (D, B, S og VG) fengu 201 af 502 sveitarstjórnarfulltrúum kjörna eða um 40% fulltrúa á landsvísu.“
„Starfshópur um endurskoðun samþykkta sambandsins var allur skipaður fulltrúum fjórflokksins en ekki úr mengi 60% kjörinna fulltrúa. Það er hneyksli. Augljóst er að val og kjör í stjórn Sambands íslenskra sveitarfélaga endurspeglar ekki á neinn hátt úrslit kosninganna og er þar farið allverulega á svig við vilja kjósenda og þekkta lýðræðisvitund almennings. Áhyggjuefni er að samþykktir sambandsins, verklag og vinnubrögð eru mjög í anda þeirra popúlistaflokka sem vaxandi stuðningur er við um þessar mundir í Evrópu þ.e.: „Þegar þú ert orðinn sigurvegari þá tekur þú valdið allt, í stað þess að dreifa valdinu og deila valdinu.“ Tilvitnun Ingibjörg Sólrún Gísladóttir,“ bókaði Vigdís.
Bókunina byrjaði hún svona:
Vill leita til Ingibjargar Sólrúnar.
„Svar stjórnar sambandsins til Miðflokksins ásamt þeim máttlitlu breytingartillögum á samþykktum sem starfshópurinn leggur til, gefa ríkt tilefni til að borgarráð veki athygli framkvæmdastjóra lýðræðis- og mannréttindaskrifstofu ÖSE, Ingibjargar Sólrúnar Gísladóttur á málinu og fái álit hennar á vinnubrögðum sambandsins er kemur að valddreifingu og valddeilingu. Ekki er síður mikilvægt að fá frá ÖSE tillögu að lýðræðislegum umbótum og samþykktum fyrir sambandið.“
